საიუბილეო ღონისძიება, UFC 300, რომელიც 13 აპრილს გაიმართება, კიდევ უფრო საინტერესო ხდება. აღნიშნულ ღონისძიებას ვარსკვლავური წყვილი დაემატა. ირკვევა, რომ ჯასტინ გეიჯი BMF ქამრის პირველად დაცვას სწორედ UFC 300-ზე შეეცდება. მისი მეტოქე კი მაქს ჰოლოუეი იქნება.

შეგახსენებთ, რომ გეიჯიმ ეს ტიტული გასული წლის ივლისში მოიპოვა, როცა დასტინ პორიეს დაუპირისპირდა და "ბრილიანტი" ნოკაუტით დაამარცხა. მანამდე კი ჯასტინს რაფაელ ფიზიევი ჰყავდა დამარცხებული.

რაც შეეხება მაქს ჰოლოუეის, 2022 წლის ივლისში ალექსანდრ ვოლკანოვსკისთან განცდილი მორიგი მარცხის შემდეგ, მან ზედიზედ ორი ბრძოლა მოიგო. ჯერ არნოლდ ალენს სძლია, შემდეგ კი "კორეელი ზომბის" დამარცხებაც შეძლო.

მსუბუქი დივიზიონის ჩემპიონი, ისლამ მახაჩევი ჯასტინ გეიჯის თავის მომავალ მეტოქედ მიიჩნევს და ივარაუდებოდა, რომ მათი ბრძოლა შედგებოდა, მაგრამ ისლამს ამჟამად ტრავმა აწუხებს და როგორც თავად ამბობს, დაბრუნების შემდეგ, ჯასტინს აუცილებლად შეხვდება, მაგრამ მანამდე ამერიკელს BMF ქამრის დაცვა მოუწევს.

The BMF title will be on the line at #UFC300 🚨@Justin_Gaethje & @BlessedMMA collide in a 5-round lightweight bout to see who’s the BADDEST of them all! pic.twitter.com/1TJE1h1cPT
— UFC (@ufc) January 17, 2024

გეიჯი BMF ქამრის დასაცავად UFC 300-ზე იბრძოლებს

ჯასტინ გეიჯი VS მაქს ჰოლოუეი

უახლესი ამბები