UFC 299-ზე დასტინ პორიემ ბენუა სენ-დენისი ნოკაუტით დაამარცხა და კარიერაში 30-ე გამარჯვება მოიპოვა. ამის შემდეგ კი მსუბუქი დივიზიონის ჩემპიონის, ისლამ მახაჩევის მენეჯერმა, ალი აბდელაზიზმა სოციალურ ქსელში პოსტი გამოაქვეყნა, სადაც ნათქვამი იყო, რომ დასტინისა და ისლამის ბრძოლის გამართვა ივნისში კარგი იდეა იქნება. ამას როგორც მახაჩევი, ასევე თავად პორიეც დაეთანხმა. "ბრილიანტმა" განაცხადა, რომ ბენუასთან მას სერიოზული დაზიანებები არ მიუღია და ივნისში ჩხუბისთვის მზად იქნება.

ახლა კი ამ ყველაფერზე კომენტარი ოქროს ქამრის მფლობელმა მახაჩევმაც გააკეთა:

ვიცი, რომ დასტინ პორიე სატიტულო ბრძოლას არ იმსახურებს, მაგრამ ახლა სხვა არჩევანი არ მაქვს. ყველა დაკავებულია, მე კი ბრძოლა მსურს. მინდა, რომ წელიწადში 3 ჩხუბი ჩავატარო. სწორედ ამიტომ, მე ვუხმობ მეტოქეებს და ახლა პორიე თავისუფალია.

ის თავის ბოლო ბრძოლაში საკმაოდ ეფექტურად გამოიყურებოდა და ნოკაუტით იმარჯვა. სწორედ ამიტომ მსურს, რომ შემდეგი იყოს. ვიცი, რომ თავს კარგად გრძნობს და ივნისში ბრძოლას ვთავაზობ.

გულწრფელად გეტყვით, დასტინი ლეგენდაა. მან ამ დივიზიონში არაერთი ტოპ მებრძოლი დაამარცხა. შესაბამისად, მასთან დაპირისპირება ჩემთვის და ჩემი ისტორიისთვის ძალიან კარგი იქნება.

მახაჩევი: "ახლა სხვა არჩევანი არ მაქვს"

ისლამ მახაჩევმა დასტინ პორიეზე ისაუბრა

უახლესი ამბები