14 აპრილს, გამთენიისას UFC 300-ის სახით ისტორიული ღონისძიება გაიმართა, სადაც მაყურებელმა უამრავი საინტერესო ბრძოლა ყოფილი და მოქმედი ჩემპიონების მონაწილეობით იხილა.

ერთ-ერთი ჩხუბი მსუბუქი წონითი კატეგორიის ნომერ პირველი პრეტენდენტის სტატუსის მოსაპოვებლად ექს-ჩემპიონმა, ჩარლზ ოლივეირამ და არმან ცარუკიანმა გამართეს, რომელიც ამ უკანასკნელმა მსაჯების გაყოფილი გადაწყვეტილებით მოიგო და როგორც თავად ამბობს, ახლა სატიტულო ჩხუბის მიღების მოლოდინშია.

არმან ცარუკიანი:

დიდ მადლობას ვუხდი ოლივეირას. ის ერთ-ერთი საუკეთესო ადამიანია ჩვენს დივიზიონში. მეგონა, რომ ყველა მსაჯი მე მომანიჭებდა გამარჯვებას, მაგრამ ასე არ მოხდა. მე უნდა დავბრუნდე უფრო ძლიერი, ვიდრე ოდესმე ვყოფილვარ.

ჩემი მომდევნო ნაბიჯი ტიტულისთვის ბრძოლა იქნება. მახაჩევი? მასთან შეხვედრა 5 წლის წინ გავმართე და მას ჩემთან ძალიან მძიმე ბრძოლა ჰქონდა. საკუთარი შესაძლებლობების მჯერა. მე ისლამის დამარცხებას ვაპირებ.

აქვე მოგახსენებთ, რომ UFC 300-ის დასრულების შემდეგ, დანა უაითმა სამი ბრძოლის ჩანიშვნის შესახებ გამოაცხადა. ერთ-ერთი კი სწორედ მსუბუქი წონის მოქმედ ჩემპიონ, ისლამ მახაჩევს შეეხება, რომელიც UFC 302-ზე დასტინ პორიეს შეხვდება.

ცარუკიანი: "მომდევნო ნაბიჯი ტიტულისთვის ბრძოლა იქნება"

არმან ცარუკიანმა ჩარლზ ოლივეირა დაამარცხა

უახლესი ამბები