ალექსანდრე თოფურია UFC-ის მებრძოლია. აღნიშნული ინფორმაცია მან სოციალური ქსელის საკუთარ გვერდზე ოფიციალურად დაადასტურა:

მოგესალმებით ყველას!

როგორც ბევრმა თქვენგანმა იცის, მრავალი წლის განმავლობაში ჩემი პირადი მიზანი და გამოწვევა, ჩემი ძმის მსოფლიო ჩემპიონის ქამრის მოპოვება იყო. მე მისი პირადი მწვრთნელის პოზიციას ვიკავებდი და მადლობა ღმერთს, მიზანი მიღწეულია. ამაყი და მადლიერი ვარ ჩემი ძმის მონაპოვარით, ახლა ქამრის დაცვის დროა და რა თქმა უნდა მე მის გვერდით ვიქნები.

ამავდროულად, ჩემს გონებასა და გულში ბრძოლის სურვილი არასდროს გამქრალა, ამიტომაც არ გავჩერებულვარ, არ შემიწყვეტია ჩემი საქმის კეთება. ამჯერად უმაღლეს ლიგაში გადავინაცვლებ. მინდა გაცნობოთ, რომ ოფიციალურად Ultimate Fighting Championship - თან გავაფორმე კონტრაქტი.

და ბოლოს, მადლობა მინდა გადავუხადო ყველა ადამიანს, ვინც ამ მნიშვნელოვანი გზის ნაწილი იყო.

28 წლის ალექსანდრე თოფურიას პროფესიონალურ კარიერაში 6 ბრძოლა აქვს გამართული, საიდანაც 5 მისი გამარჯვებით დასრულდა. ბოლოს ის საქმეში გასული წლის მაისში ვიხილეთ, როცა იოჰან სეგასი პირველსავე რაუნდში ტექნიკური ნოკაუტით დაამარცხა. აღსანიშნავია ის ფაქტიც, რომ ხუთივე გამარჯვება ალექსანდრემ პირველ რაუნდში მოიპოვა.

ალექსანდრე თოფურია UFC-ის მებრძოლია

ალექსანდრე თოფურიამ UFC-სთან კონტრაქტი გააფორმა

უახლესი ამბები