შესაძლოა, კონორ მაკგრეგორის დაბრუნებაზე საუბარმა უკვე დაგღალათ, თუმცა MMA-ის მოყვარულები უკვე სამი წელია, რაც UFC-ის ორი წონითი კატეგორიის ყოფილი ჩემპიონის ოქტაგონზე გამოჩენას ელიან და როგორც ჩანს, ეს წელსაც არ მოხდება.

მაკგრეგორმა რამდენიმე თვის წინ დააანონსა, რომ 2024 წელს მაიკლ ჩენდლერთან იბრძოლებდა. შემდეგ კი გაირკვა, რომ ტრავმის გამო, მან ამაზე უარი თქვა. ჩენდლერმა კი ახალი მეტოქე ჩარლზ ოლივეირას სახით იპოვა. UFC-ის პრეზიდენტმა, დანა უაითმა განაცხადა, რომ მას არ შეუძლია თარიღის დასახელება თუ როდის დაბრუნდება ირლანდიელი და ვინ იქნება მისი მოწინააღმდეგე, რადგან ეს მხოლოდ იმაზეა დამოკიდებული თუ როდის იქნება კონორი მზად და ვინ იქნება იმ პერიოდში თავისუფალი.

DAZN-თან ინტერვიუში მაკგრეგორმა ამ საკითხზე თავადაც ისაუბრა:

ეს 2025 წელს მოხდება. ვინ იქნება ჩემი მეტოქე? ჩენდლერი იყო ის მებრძოლი, რომელთან შეხვედრაზეც თანხმობა განვაცხადე, მაგრამ დანიშნულ დროს ეს ვერ მოხერხდა და მან ახალი მეტოქე უკვე იპოვა.

ჩემი საქმე ისაა, რომ დარბაზში დიდი დრო გავატარო და სასურველ ფორმას მივაღწიო. არ აქვს მნიშვნელობა, ვინ იქნება ჩემს წინააღმდეგ. ჩენდლერთან შეხვედრას კვლავ ვისურვებდი. მე მას ოლივეირასთან წარმატებას ვუსურვებ, მაგრამ ვნახოთ რა მოხდება.

მაკგრეგორმა დაბრუნება 2025 წლისთვის გადადო

კონორი 2024 წელს ბრძოლას არ აპირებს

უახლესი ამბები