UFC-ის ქვემსუბუქი და მსუბუქი წონითი კატეგორიის მოქმედ ჩემპიონებს, ილია თოფურიასა და ისლამ მახაჩევს შორის "თრეშ თოქი" გრძელდება. ქართველი სპორტსმენი ამბობს, რომ იმედი აქვს, მაქს ჰოლოუეისთან ბრძოლის შემდეგ, 2025 წელს მისი მომავალი მეტოქე უკვე მახაჩევი იქნება. "მატადორმა" ასევე აღნიშნა, რომ ის ისლამის ცემას ქუჩაში არ აპირებს, რადგან ამ შემთხვევაში მისი სამედიცინო ხარჯების გაწევაც მოუწევს და ამას მხოლოდ ოქტაგონზე გააკეთებს.

თოფურიას ამ განცხადებას ისლამ მახაჩევი გამოეხმაურა და აღნიშნა, რომ თუ ქართველი სპორტსმენი ასე გააგრძელებს, ის საკუთარ თავს მალე ამოწურავს და შესაძლოა, მათ შორის მალე რაღაც მოხდეს, რაც სერიოზულ შედეგებს მოიტანს. მახაჩევმა თოფურიას ურჩია, რომ ამ ეტაპზე ყურადღება თავის დივიზიონს დაუთმოს და ტიტულის დაცვაზე იზრუნოს. დაღესტანელი ასევე აღნიშნავს, რომ ჯერჯერობით ზღვარის გადაკვეთამდე საქმე არ მისულა.

ყოველივე ამას პასუხი მალევე თავად თოფურიამ გასცა:

მე არ მჭირდება ხაზების გადალახვა, მაგრამ ბავშვები, რომლებიც შენთან ერთად არიან, შეეცდებიან გადალახონ ის ზღვარი, საიდანაც ვეღარ დაბრუნდებიან. მოდი, ბავშვებს თავი დავანებოთ და საქმე ოქტაგონზე 2025 წელს მოვაგვაროთ, როგორც ზრდასრულებს შეეფერებათ.

თოფურია მახაჩევს: "2025 წელს საქმე ოქტაგონზე მოვაგვაროთ"

ილიამ ისლამს უპასუხა

უახლესი ამბები