26 ოქტომბერს, UFC 308-ის სახით წლის მორიგი დიდი ღონისძიება გაიმართება, რომლის მთავარ ბრძოლაშიც ერთმანეთს ქვემსუბუქი წონის მოქმედი ჩემპიონი, ილია თოფურია და მაქს ჰოლოუეი დაუპირისპირდებიან. აღსანიშნავია, რომ ეს უკანასკნელი BMF ქამრის მფლობელია, თუმცა ამ დაპირისპირებაში BMF ქამარი არ თამაშდება და მაქსი მას ნებისმიერ შემთხვევაში შეინარჩუნებს.

მოახლოებულ ორთაბრძოლასთან დაკავშირებით მძიმე წონითი კატეგორიის დროებითი ქამრის მფლობელმა, ტომ ასპინალმა ისაუბრა:

ისინი ერთმანეთისგან განსხვავებული მებრძოლები არიან და სხვადასხვა სტილი აქვთ. საერთო კი მათ შორის მხოლოდ ისაა, რომ ორივეს უყვარს კრივი და კარგი უნარები აქვთ.

ვფიქრობ, თოფურიას აქვს საკმარისი ძალა, რათა ჰოლოუეი დააფინიშოს. ვიცი, რომ მაქსის მიწაზე გადაყვანა რთულია, თუმცა თუ ილიას ამის ბევრი მცდელობა ექნება, მაშინ ჰოლოუეის დაცვაზე ფიქრიც აქტიურად მოუწევს და დიდია იმის შანსი, რომ ამით თოფურიამ კარგად ისარგებლოს.

ასპინალი: "თოფურიას ჰოლოუეის დაფინიშება შეუძლია"

მძიმეწონოსანმა ბრიტანელმა ილია თოფურიასა და მაქს ჰოლოუეის მოახლოებულ ბრძოლაზე ისაუბრა

უახლესი ამბები