ქართველ მოკრივე, ავთანდილ ხურციძეს UFC-ის ჩემპიონ, მერაბ დვალიშვილთან პირად საკითხთან დაკავშირებული უთანხოება აქვს. ხურციძე ბოლო დროს TikTok-ზე დვალიშვილთან დაკავშირებით ვიდეოებს აქტიურად წერს. ერთ-ერთ ასეთ ვიდეო მიმართვაში მან განაცხადა, რომ მას მერაბთან ოფიციალურად ბრძოლის გამართვის სურვილი აქვს, რადგან არ სურს, რომ მას ქუჩაში გაუსწორდეს.

ხურციძის განცხადებებს დვალიშვილი სოციალური ქსელის მეშვეობით გამოეხმაურა:

მეგობრებო რასაც ავთანდილ ხურციძე კადრულობს ტიკ ტოკ ვიდეო მიმართვებით ჩემს წინააღმდეგ, ეს ყველაფერი მეტყბელებს იმაზე, რომ ეს ადამიანი არ არის სრულ ჭკუაზე. ეს პიროვნება არის ჩვენი ქვეყნის, სპორტისა და კაცობის სირცხვილი.

ადამიანი რომელიც მსგავს რამეს იკადრებს, კარგად იცით რისი ღირსია და რასაც იმსახურებს! მოვუწოდებ მისი ოჯახის წევრებს, ახლობლებს და მეგობრებს, მიაქციონ ყურადღება, უმკურნალონ და დაეხმარონ ამ ადამიანს!

მას სჭირდება სერიოზული დახმარება. მე არ მინდა ის პირადად ვნახო და ფიზიკურად გავუსწორდე, მითუმეტეს სამართლებრივად მივხედო ამ საქმეს. ცილისწამებისთვის, ჩემი ღირსების და რეპუტაციის შელახვისთვის. ეს არ ჯდება ჩემი ცხოვრების წესში. მე მეცოდება მისი პატარა შვილი და მშობლები, რომლებსაც პირადად ვიცნობ.

დვალიშვილი ხურციძეზე: "ეს ადამიანი სრულ ჭკუაზე არ არის"

მერაბ დვალიშვილი ავთანდილ ხურციძეს გამოეხმაურა

უახლესი ამბები