UFC-ის მძიმე წონითი კატეგორიის დროებითი ქამრის მფლობელი, ტომ ასპინალი ამავე წონითი კატეგორიის მოქმედ ჩემპიონ, ჯონ ჯონსთან შეხვედრას უკვე დიდი ხანია ითხოვს და ახლა იმედოვნებს, რომ აღნიშნული ორთაბრძოლა 2025 წელს შედგება.

ჯონსმა მძიმე დივიზიონში ქამარი პირველად 16 ნოემბერს დაიცვა, როცა სტიპე მიოჩიჩი მესამე რაუნდში ტექნიკური ნოკაუტით დაამარცა. "ბოუნსი" ამბობს, რომ მისი სასურველი მეტოქე ქვემძიმე წონის ჩემპიონი, ალექს პერეირაა, რომელიც უკვე სახელგანთქმული მებრძოლია, ხოლო ასპინალი შედარებით ახალბედაა და მიიჩნევს, რომ თავის მემკვიდრეობისთვის ტომთან ბრძოლა ბევრს არაფერს მოუტანს.

ტომ ასპინალმა ამ საკითხზე ისაუბრა:

UFC 309-ის შემდეგ, უაითი ოთახში შემოვიდა და თქვა, რომ ჩემი და ჯონსის ბრძოლა აუცილებლად შედგება და ეს იქნება ამ ორგანიზაციის ისტორიაში ყველაზე დიდი ორთაბრძოლა. მე მისი სიტყვების მჯერა. ჩემთვის ეს ბრძოლა ფულზე მნიშვნელოვანია!

ცნობისთვის, 31 წლის ასპინალს ამჟამად 3-ბრძოლიანი მოგებათა სერია აქვს. მან 2023-24 წლებში ტიბურა, პავლოვიჩი და ბლეიდსი პირველსავე რაუნდში დაამარცხა.

ასპინალი: "უაითი დამპირდა, რომ ეს მოხდება"

ასპინალი ჯონსთან ბრძოლის მოლოდინშია

უახლესი ამბები