UFC-ის სუპერმსუბუქი წონითი კატეგორიის ყოფილი ჩემპიონი, ალჯამეინ სტერლინგი, რომელიც გასული წლის აპრილიდან მოყოლებული ქვემსუბუქ წონაში ასპარეზობს, ჩემპიონობაზე ფიქრობს. ამ დივიზიონში ამჟამად საჩემპიონო ქამარს ილია თოფურია ფლობს. სტერლინგმა მისთვის ახალ წონაში გასულ წელს ჯერ კელვინ კატარი დაამარცხა, შემდეგ კი მოვსარ ევლოევთან დამარცხდა და ამჟამად რეიტინგის მეცხრე ნომერი გახლავთ.

ალჯამეინ სტერლინგი

ბევრი ადამიანი ფიქრობს, რომ ჩემი ბოლო ბრძოლა არ წამიგია. ჩანაწერს თავადაც არაერთხელ ვუყურე და მეც ამ აზრზე ვარ, რომ ბრძოლა ევლოევთან არ წამიგია.

საბოლოო ჯამში, რასაც მსაჯები გადაწყვეტენ, ისტორიის ფურცელიც იმას ინახავს. ვისურვებდი, რომ მოვსარს კიდევ ერთხელ დავუპირისპირდე, მაგრამ თუ ეს არ მოხდება, ოქტაგონზე არნოლდ ალენთან ან ბრაიან ორტეგასთან ბრძოლა მსურს.

მე ისევ ვფიქრობ ოქროს ქამარზე. თუ მეორე წონაშიც შევძლებ ჩემპიონობას, ეს იქნება მემკვიდრეობა, რომელსაც ვერავინ წამართმევს!

სტერლინგმა სასურველი მეტოქეები დაასახელა

სტერლინგი ჩემპიონობაზე ისევ ფიქრობს

უახლესი ამბები