UFC-ის ქვემძიმე წონითი კატეგორიის მოქმედი ჩემპიონი, ალექს პერეირა, რომელმაც გასულ წელს 175 დღეში 3 ბრძოლა მოიგო, 2025 წლის პირველ ორთაბრძოლას 9 მარტს გამართავს. ის მაგომედ ანკალაევს დაუპირისპირდება. აღნიშნული ჩხუბი კი UFC 313-ის ეგიდით ჩატარდება და ის საღამოს მთავარი ორთაბრძოლა იქნება.

ამავე ღონისძიებაზე ვიხილავთ ჯასტინ გეიჯისა და დენ ჰუკერის შეხვედრასაც. ასევე, მაყურებლების წინაშე ბობი გრინი და მაურისი რუფიც წარსდგებიან.

ჯერჯერობით UFC 313-ის ქარდი ბოლომდე დაკომპლექტებული არ არის და მხოლოდ 10 ბრძოლის შესახებაა ცნობილი. შეგახსენებთ, რომ ზემოთ ხსენებული მაგომედ ანკალაევი ამჟამად ქვემძიმე დივიზიონის რეიტინგის პირველი ნომერი გახლავთ და ის უკვე საკმაოდ დიდი ხანია, რაც პერეირასთან შეხვედრას ითხოვს.

პერეირა და ანკალაევი მარტში იბრძოლებენ

ქვემძიმე დივიზიონის საჩემპიონო ბრძოლა UFC 313-ზე შედგება

უახლესი ამბები