23 მარტს UFC მორიგ ღონისძიებას უკვე ლონდონში გამართავს, რომელიც გურამ ქუთათელაძისა და კაუე ფერნანდესის ორთაბრძოლით გაიხსნება. ქართულ-ბრაზილიური დაპირისპირება პრელიმ ქარდის პირველი ჩხუბი იქნება.

მოგახსენებთ, რომ ქუთათელაძეს ამ მომენტისთვის პროფესიონალურ კარიერაში 13 გამარჯვება და 4 მარცხი უფიქსირდება. ბოლოს ის საქმეში გასული წლის აგვისტოში ვიხილეთ, როცა ჯორდან ვუჩენიკი დაამარცხა. უშუალოდ UFC-ში "ქართველმა ვიკინგმა" 4-დან 2 ბრძოლის მოგება შეძლო და ახლა აქ წარმატების მიღწევა მისთვის ძალიან მნიშვნელოვანი იქნება.

რაც შეეხება კაუე ფერნანდესს, მას 9 მოგება და 2 მარცხი უგროვდება. UFC-ში პირველად მან 2023 წელს იბრძოლა, თუმცა დამარცხდა. მეორე ჩხუბი კი ქუთათელაძის მსგავსად, გასული წლის აგვისტოში გამართა და მოჰამად იაიას პირველსავე რაუნდში ტექნიკური ნოკაუტით მოუგო. ამ წყვილში ბუკმეიკერების ფავორიტი ქუთათელაძე გახლავთ.

საღამოს მთავარ ბრძოლაში ერთმანეთს ლეონ ედვარდსი და შონ ბრეიდი დაუპირისპირდებიან. უფრო ადრე კი იან ბლაჰოვიჩი კარლოს ულბერგს შეხვდება.

UFC LONDON-ის ღონისძიება ქუთათელაძის ბრძოლით გაიხსნება

გურამ ქუთათელაძე კაუე ფერნანდესთან ბრძოლისთვის ემზადება

უახლესი ამბები