UFC Fight Night 233-ის ეგიდით, ოსტინში მორიგი ღონისძიება გაიმართა, სადაც დღის მთავარი დაპირისპირება მსუბუქი წონითი კატეგორიის მებრძოლებს, არმან ცარუკიანსა და ბენეილ დარიუშს შორის შედგა.

ცარუკიან მხოლოდ ერთი წუთი დასჭირდა, რომ ბრძოლის ბედი თავის სასარგებლოდ გადაეწყვიტა. სომეხმა სპორტსმენმა მეტოქეს თავიდანვე აქტიურად შეუტია და ნოკაუტით გაიმარჯვა.

ამგვარად, ცარუკიანმა ყველაზე პრესტიჟულ ორგანიზაციაში საიუბილეო, მეათე ბრძოლა ჩაატარა და მერვე გამარჯვება იზეიმა. სულ კი მის ანგარიშზე MMA-ში 21 გამარჯვება და სამი მარცხი აქვს, საიდანაც არმანს ცხრა დაპირისპირება ნოკაუტით აქვს მოგებული.

ცარუკიანმა დარიუში პირველივე რაუნდში დაანოკაუტა

უახლესი ამბები